İSİM-in nümayəndələri Bişkek şəhərində qeyri-infeksion xəstəliklərin profilaktikası üzrə keçirilən tədbirdə iştirak etdilər | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu
  • 6 aprel – Ümumdünya Fiziki Aktivlik Gününə həsr edilmiş maarifləndirici aksiya oldu

XƏBƏRLƏR bütün xəbərlər

24 İYUN 2022

İSİM-in nümayəndələri Bişkek şəhərində qeyri-infeksion xəstəliklərin profilaktikası üzrə keçirilən tədbirdə iştirak etdilər

Ümumdünya Səhiyyə Təşkilatının (ÜST) Avropa Regional Bürosu tərəfindən  21-22 iyun 2022-ci il tarixdə Qırğızıstan Respublikasının paytaxtı Bişkek şəhərində piylənməyə nəzarət, qidalanma, qeyri-infeksion xəstəliklərin (QİX) profilaktikası siyasəti üzrə dialoqun genişləndirilməsi və bu istiqamətdə görülən tədbirlərin analizinin aparılması məsələlərinə dair tədbir keçirildi. Tədbirdə Azərbaycan, Qırğızıstan, Özbəkistan, Qazaxıstan və digər ölkələrin nümayəndələri,  səhiyyə və tibb işçiləri, ictimai səhiyyə mütəxəssisləri və ekspertlər təmsil olunurdu. Səhiyyə Nazirliyi İctimai Səhiyə və İslahatlar Mərkəzinin  (İSİM) Monitorinq və analiz şöbəsinin müdiri İnara Makayeva, İctimai sağlamlıq şöbəsinin müdiri Tofiq Musayev və Səhiyyə kommunikasiyası şöbəsinin müdiri Laura Quliyeva, ÜST-nin ictimai səhiyyə üzrə mütəxəssisi, QİX üzrə proqram rəhbəri Elturan İsmayılov, TƏBİB-in nümayəndələri – Ceyran Abdullayeva və Zülfiyyə Kazımzadə  tədbirdə iştirak etdilər.  

ÜST-nin QİX-in qarşısının alınması və nəzarəti üzrə Avropa Bürosunun rəhbəri vəzifəsini icra edən Kremlin Vikramasinqhe və digər ekspertlərin çıxışlarında bir daha vurğulandı ki, QİX regionda və ümumən dünyada insan sağlamlığına təhlükə yaradan  əlilliyin, xəstəlik və ölümlərin başlıca səbəbi hesab olunur. Ekspertlərin görülən işlərə dair təqdimatlarında nəzərə çatdırıldı ki,  QİX yükünün azaldılması istiqamətində mühüm addımların atılmasına baxmayaraq, bu sahədə  hələ də problemlər qalmaqdadır. 

Mövcud problemləri nəzərə alaraq keçirilən seminarın əsas məqsədi iştirakçıları regionun müxtəlif ölkələrində qeyri-infeksion xəstəliklərlə mübarizədə aparılan analizlərin nəticələri ilə tanış etmək, yaradılan  metod və konsepsiyaları təqdim edərək praktiki biliklər öyrətmək, real şərtlər əsasında onlardan istifadə  qaydalarını göstərmək, həmçinin Azərbaycan, Qırğızıstan və Özbəkistan Respublikalarının nümayəndələri ilə layihələrin növbəti mərhələlərini müzakirə etmək idi. 

Seminarda region ölkələrdə keçirilən pilot layihələrin  nəticələri analiz olundu, iştirakçı ölkələrin hesabatları dinlənildi və fəaliyyətlərin daha da genişləndirilməsi istiqamətində səmərəli fikir mübadiləsi aparıldı.