Müəllim və tələbələrin iştirak etdiyi tədbirdə İSİM-in Səhiyyə kommunikasiyası şöbəsinin müdiri Laura Quliyeva ölkəmizdə sağlamlığın qorunması və xəstəliklərin qarşısının alınması istiqamətində görülən işlər barədə ətraflı məlumat verib. İSİM-in psixoloqu Aysel Musayeva geniş təqdimatla çıxış edərək bildirib ki, autizm uşaqlarda erkən yaş dövründə başlayan, sosial münasibətlər və ünsiyyət zamanı özünü göstərən ümumi inkişaf geriliyidir. O, əhali arasında autizmlə bağlı məlumatlılığın artırılmasının böyük əhəmiyyət daşıdığını, əlamətlərin erkən aşkarlanması və müalicəyə cəlb edilməsinin autizmli insanların həyat keyfiyyətinin yaxşılaşdırılmasında mühüm rol oynadığını vurğulayıb.

 

İştirakçılara autizmi nəzərdən qaçırmamaq, uşaqlarda yaşıdlarından geri qalan əlamətlər müşahidə etdikdə dərhal mütəxəssisə müraciət etmək tövsiyə olunub və İSİM tərəfindən hazırlanaraq nəşr edilən materiallar paylanılıb.