6 DEKABR 2023
TV əməkdaşları üçün Akademik Zərifə Əliyevanın 100 illik yubileyinə həsr olunmuş aksiya keçirilib
Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən 6 dekabr 2023-cü ildə ARB TV-də Akademik Zərifə Əliyevanın 100 illik yubileyinə həsr olunmuş “İş yerlərində göz xəstəliklərinin profilaktikası” mövzusunda aksiya keçirilib. TV əməkdaşları və jurnalistlər üçün təşkil olunan aksiyanın məqsədi göz xəstəliklərinin profilaktikası, gözlərə düzgün qulluqedilməsi, gigiyena qaydalarına riayət olunması ilə bağlı iş yerlərində geniş maarifləndirmə işinin aparılmasıdır.
Aksiya çərçivəsində iştirakçılar gözlərin profilaktik müayinəsinə dəvət ediliblər, sağlamlığın qorunması, göz xəstəliklərinin qarşısının alınması ilə bağlı onlara tövsiyələr verilib.
Aksiyada sağlamlığa məsuliyyətlə yanaşmaq, tütünçəkmə və digər zərərli vərdişlərdən uzaq olmaq, sağlam həyat tərzi seçmək təşviq edilib, bu mövzulara dair İSİM tərəfindən hazırlanaraq nəşr edilən maarifləndirici materiallar paylanılıb.