25 OKTYABR 2023
7 saylı Cəbrayıl qəsəbəsində maarifləndirici aksiya keçirilib
Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən Cəbrayıl rayon İcra Hakimiyyəti ilə birgə 24 oktyabr 2023-cü ildə maarifləndirici aksiya təşkil olunub.
1-11 saylı Cəbrayıl qəsəbələrində yaşayan sakinlər üçün keçirilən aksiyanın məqsədi qeyri-infeksion xəstəliklərin əsas risk amilləri barədə əhali arasında məlumatlılığın artırılması, sağlam həyat tərzinin təbliğ olunması və zərərli vərdişlərlə mübarizə sahəsində maarifləndirmə işinin gücləndirilməsi idi. Aksiya iştirakçılarına fiziki aktiv olmaq, sağlam və düzgün qidalanmaq ilə bağlı tövsiyələr verilib, müntəzəm şəkildə müvafiq profilaktik müayinələrdən keçməyin zəruriliyi vurğulanıb. Aksiya çərçivəsində vətəndaşlar ilkin müayinələrə (boy, çəki, təzyiq və nəbzin ölçülməsi) dəvət edilib, onlara İSİM tərəfindən hazırlanaraq nəşr edilən maarifləndirici materiallar paylanılıb.