İSİM-də “Azərbaycanda multisektoral tütünlə mübarizə mexanizmlərinin təkmilləşdirilməsi” layihəsi üzrə Texniki Məsləhətçi Qrupun iclası keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

21 DEKABR 2018

İSİM-də “Azərbaycanda multisektoral tütünlə mübarizə mexanizmlərinin təkmilləşdirilməsi” layihəsi üzrə Texniki Məsləhətçi Qrupun iclası keçirildi

21 dekabr 2018-ci il tarixdə Səhiyyə Nazirliyinin İctimai Səhiyyə və İslahatlar Mərkəzində (İSİM) “Azərbaycanda multisektoral tütünlə mübarizə mexanizmlərinin təkmilləşdirilməsi” layihəsi üzrə Texniki Məsləhətçi Qrupun (TMQ) iclası oldu. TMQ üzvləri: Milli Məclis Aparatı, Ədliyyə Nazirliyi, Vergilər Nazirliyi, Azərbaycan Respublikasının İnsan Hüquqları üzrə Müvəkkili (OMBUDSMAN), Azərbaycan Respublikasının Prezidenti yanında Gənclər Fondu, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi (Asan Agentlik), İSİM, “ASAN Könüllüləri Gənclər Təşkilatı” İctimai Birliyi, “Həmrəy” Gənclərin Maariflənməsinə Dəstək İctimai Birliyi, “Ümidli gələcək” Gənclər İctimai Birliyi, “Həmrəy” Gənclərin Maarifləndirilməsinə Dəstək – İctimai Birliyi, “Həyat” Beynəlxalq Humanitar Təşkilatı, “LAYF” Xeyriyyə İctimai Birliyi və  “Sağlam Düşüncə” Gənclər Təşkilatının nümayəndələri iclasda iştirak etdilər.

Layihə çərçivəsində TMQ-yə rəhərlik edən İSİM-in Əhalinin sağlamlığı şöbəsinin müdiri Tofiq Musayev ölkədə tütünlə mübarizə sahəsində görülən işlər, prioritetlər və nailiyyətlər barədə məlumat verdi. Azərbaycan Prezidentinin 29 dekabr 2017-ci il tarixli Fərmanı ilə ölkəmizdə "Tütün məmulatlarının istifadəsinin məhdudlaşdırılması haqqında" Qanunun tətbiqindən söz açan T.Musayev tütünçəkmə qadağan olunan yerlərdə aparılan müşahidə tədqiqatının nəticələrini iştirakçıların nəzərinə çatdırdı: “Əhalinin sağlamlığının qorunması sahəsində çox mühüm addım olan bu qanunun tətbiqi gündəlik həyatımızda artıq özünü göstərir. Əsas məqsədimiz budur ki,  hökumət və vətəndaş cəmiyyəti ilə birgə fəaliyyət göstərərək, Azərbaycanda tütünlə mübarizə mexanizmlərinin təkmilləşdirilməsi istiqamətində görülən işlərə dəstək olaq”. İclasda çıxış edən Milli Məclis Aparatının sosial qanunvericlik şöbəsinin bölmə müdiri Adil Vəliyev tütünlə mübarizədə dövlətin dəstəyi,  əhəmiyyətli perspektivlər barədə danışdı. İSİM-in Layihələrin əlaqələndirilməsi şöbəsinin müdiri Səbinə Babazadə geniş təqdimatla çıxış edərək, “Azərbaycanda qeyri-infeksion xəstəliklər yükü: STEPS-2017 tədqiqatının nəticələri” barədə məlumat verdi. İSİM-in Səhiyyə siyasəti və islahatlar şöbəsinin müdiri Şəhla Mirzəzadə “Sağlamlığı təşviq edən məktəblər: SHE yanaşmasının ölkədə tətbiqi” mövzusunda təqdimatı iştikarçıların nəzərinə çatdırdı.

İclasda layihə çərçivəsində nəzərdə tutulan iş planı müzakirə edildi, iştirakçıların təklifləri qeyd olundu.

Şəkillərlə burada tanış olmaq olar.