Bölgələrdə əhali arasında aparılan müayinə və müalicə tədbirləri davam edir | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

30 APREL 2018

Bölgələrdə əhali arasında aparılan müayinə və müalicə tədbirləri davam edir

Azərbaycan Prezidentinin tapşırığına əsasən, bu il fevralın 12-dən başlayaraq respublika əhalisinin tibbi müayinədən keçirilməsi tədbirləri uğurla davam edir. Səhiyyə Nazirliyinin təşkilatçılığı ilə regionlara üz tutmuş dövlət tibb müəssisələrinin yüksək ixtisaslı həkim briqadaları tərəfindən rayonlarda əhali müayinə olunur və onlara müvafiq tibbi xidmət göstərilir.

Tibbi müayinələrin səmərəli aparılması üçün Səhiyyə Nazirliyinin İctimai Səhiyyə və İslahatlar Mərkəzi (İSİM) bu sağlamlıq aylığı çərçivəsində dövlət tibb müəssisələrinin regionlara üz tutmuş həkim briqadalarının fəaliyyətinə müvafiq təşkilati dəstəyini göstərməkdə davam edir. Bu məqsədlə İSİM-in mütəxəssisi Aris Rüstəmov Şabran, Xaçmaz, Kürdəmir, Salyan rayonlarına ezam olundu. 27-28 aprel 2018-ci il tarixlərinə təsadüf  edən ezamiyyə müddətində A. Rüstəmov həmin ərazilərdə əhalini tibbi müayinələrdən keçməyə təşviq edərək, onları profilaktik tibbi baxışların vacibliyi və əhəmiyyəti barədə ətraflı məlumatlandırdı. Tibbi müayinələrin səmərəli aparılması, əhalinin  məmnunluğunun təmin edilməsi üçün İSİM-in mütəxəssisi həmçinin yerlərdə tibb personalı ilə görüşlər keçirdi. O, həkimlər və paytaxtdan gəlmiş briqadalar arasında əlaqələr yaradaraq, müayinə prosesinin daha keyfiyyətli təşkilinə yardımçı oldu. 

Qeyd edək ki, Səhiyyə Nazirliyinin “Azərbaycan Respublikası əhalisinin tibbi müayinələrdən keçirilməsi barədə” 30.01.2018-ci il tarixli sərəncamına əsasən, xəstəliklər aşkar olunduğu halda pasiyentlər yerlərdə, zərurət yarandığı halda isə Bakı şəhərində və bölgələrdə fəaliyyət göstərən ixtisaslaşdırılmış tibb müəssisələrində əlavə müayinə və müalicəyə cəlb edilirlər. Odur ki, səhhətinizə diqqətlə yanaşın, yaşayış ərazisi üzrə tibb müəssisəsinə vaxtında müraciət edin və profilaktik tibbi müayinədən keçin!