• İSİM-də “Autizm spektrum pozuntusu: Diaqnoz, qiymətləndirmə və müalicə” mövzusunda seminar keçirildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM-də "Yenidoğulmuşların reanimasiyası" üzrə növbəti praktik təlimlər keçirilir
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

3 APREL 2018

İSİM Hindistanda “V Beynəlxalq ictimai səhiyyənin idarə edilməsinin inkişafı proqramı”nda təmsil olundu

2018-ci il mart ayının 20-dən 24-dək “Hindistan Texniki və İqtisadi Əməkdaşlıq Proqramı (İTEC)” tərəfindən Hindistanın Çandigarh şəhərində “V Beynəlxalq ictimai səhiyyənin idarə edilməsinin inkişafı proqramı” mövzusunda təlim keçirildi. Təlimdə iştirak etmək məqsədilə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin (İSİM) həkim-metodisti Şəhla Mirzəzadə Hindistanın Çandigarh şəhərinə ezam olundu.

Təlim çərçivəsində ictimai səhiyyə idarəetməsinin əsasları, səhiyyənin elektronlaşdırılmasının əhəmiyyəti, ictimai səhiyyədə səhiyyə siyasətinin formalaşdırılması, səhiyyədə liderlik, qrup işinin və layihə idarəetməsinin əsasları, səhiyyə idarəetməsi üzrə fəaliyyət planının hazırlanması mövzusunda bir sıra təlim və qrup işləri keçirildi.

Qeyd edildi ki, Hindistan kimi digər İTEC ölkələri də qeyri-infeksion xəstəliklər (ürək-damar xəstəlikləri, onkoloji xəstəliklər, xronik obstruktiv ağciyər xəstəlikləri və şəkərli diabet), həmçinin təhlükəli HİV, vərəm və malyariya xəstəliklərinin müalicəsi və onların qarşısının alınması istiqamətində geniş işlər görür. Ona görə də, bu ölkələrdə ictimai səhiyyə problemlərini həll etmək üçün səhiyyə işçilərinin biliklərinin təkmilləşdirilməsinə  böyük ehtiyac var.

Beş günlük təlim çərçivəsində mövcud  ictimai səhiyyə problemlərinin səmərəli həlli üsulları və ictimai səhiyyədə işçi qüvvəsinin potensialını artırmaq üçün prioritet  məsələlər müzakirə olundu. Proqramın sonunda iştirakçılara “V Beynəlxalq ictimai səhiyyənin idarə edilməsinin inkişafı proqramı” sertifikatı təqdim olundu və gələcək qarşılıqlı əlaqə mübadiləsi yaradıldı.

Təlim proqramı çərçivəsində təşkil olunmuş mədəni-maarifləndirici “Ölkə təqdimatı” gecəsində Azərbaycanın gözəlliklərini, milli-mənəvi dəyərlərini, mədəni irsini proqram iştirakçılarına çatdıran İSİM-in nümayəndəsi “Best cultural performance” və “Best selfie” mükafatlarını da qazandı.