Moskvada qeyri-infeksion xəstəliklərlə mübarizə istiqamətində tibbi savadlılığın artırılması üzrə seminar keçirilib | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu
  • 6 aprel – Ümumdünya Fiziki Aktivlik Gününə həsr edilmiş maarifləndirici aksiya oldu

MEDİA VASİTƏLƏRİNDƏ bütün məqalələr

MEDİA VASİTƏLƏRİNDƏ / 7 NOYABR 2019

www.azertag.az

Moskvada qeyri-infeksion xəstəliklərlə mübarizə istiqamətində tibbi savadlılığın artırılması üzrə seminar keçirilib

Dünya Səhiyyə Təşkilatı (DST) tərəfindən noyabrın 6-7-də qeyri-infeksion xəstəliklərin qarşısının alınması və onunla mübarizə ilə bağlı tibbi savadlılığın artırılması istiqamətində milli layihələrin inkişafı, tətbiqi və qiymətləndirilməsi, idarəsi üzrə seminar keçirilib. DST-nin Avropa regional bölgəsi olan Moskva şəhərində təşkil olunan seminarda Səhiyyə Nazirliyinin İctimai Səhiyyə və İslahatlar Mərkəzinin (İSİM) direktor müavini Rauf Məmmədov, səhiyyə siyasəti və planlaşdırma şöbəsinin müdiri Nabil Seyidov, səhiyyə kommunikasiyası şöbəsinin müdiri Laura Quliyeva iştirak ediblər.

Bu barədə AZƏRTAC-a İSİM-in səhiyyə kommunikasiyası şöbəsindən bildirilib.

2019-cu ilin yanvar ayında yaradılan DST-nin tibbi savadlılığın inkişafı üzrə Avropa şəbəkəsinin əsas məqsədlərindən biri – qeyri-infeksion xəstəliklərin qarşısının alınması, həmçinin bu xəstəliklərlə mübarizə təşəbbüsünü dəstəkləmək üçün tibbi maarifləndirmə istiqamətində layihələrin həyata keçirilməsini gücləndirməkdir. Eyni zamanda, bu sahədə əsaslı biliklərin formalaşdırılması, ən yaxşı təcrübələrin ölkələr üzrə yayılması əsas hədəflərdən biridir.

Beləliklə, üzv dövlətlərin qeyri-infeksion xəstəliklərin qarşısını almaq, onlara qarşı mübarizə təşəbbüslərini dəstəkləmək və müvafiq imkanları gücləndirmək məqsədilə təşkil olunmuş seminarda tibbi savadlılığın artırılması nəticəsində sağlamlığın yaxşılaşdırılması məsələləri ətrafında fikir mübadiləsi aparılıb. Qeyri-infeksion xəstəliklərlə mübarizə istiqamətində ölkələr üzrə görülən işlər barədə nümayəndələrin çıxışları dinlənilib, uyğun təcrübələr paylaşılıb. Həmçinin tibbi savadlılığın artırılması məqsədilə planlaşdırılan milli layihələrin hazırlanması və qiymətləndirilməsi, bu istiqamətdə görülən tədbirlərin effektivliyinin artırılmasına dair təkliflər nəzərdən keçirilib.

Səmərəli fikir mübadiləsi şəraitində keçirilən seminarda Azərbaycan, Belarus, Qazaxıstan, Rusiya, Türkmənistan, Tacikistan, Qırğızıstan, Moldova və digər ölkələrdən nümayəndələr iştirak ediblər.

https://azertag.az/xeber/Moskvada_qeyri_infeksion_xesteliklerle_mubarize_istiqametinde_tibbi_savadliligin_artirilmasi_uzre_seminar_kechirilib-1352665