Doğuşayardım tibb müəssisələrində monitorinqlər aparılıb | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

MEDİA VASİTƏLƏRİNDƏ bütün məqalələr

MEDİA VASİTƏLƏRİNDƏ / 31 MART 2016

www.tibbqazeti.az

Doğuşayardım tibb müəssisələrində monitorinqlər aparılıb

Səhiyyə Nazirliyi ilə UNICEF arasında imzalanmış birgə Fəaliyyət Planı çərçivəsində ana və uşaq sağlamlığı sisteminin gücləndirilməsi üzrə görülmüş işlərlə bağlı nazirliyin İctimai Səhiyyə və İslahatlar Mərkəzinə (İSİM) həvalə edilmiş fəaliyyətlərə yekun vurulub.
Bu münasibətlə təşkil olunan tədbirdə qeyd edilib ki, Fəaliyyət Planına müvafiq olaraq, İSİM-də bir neçə istiqamətdə işlər görülüb.
Bunlardan birincisi Azərbaycanda 2015-ci il yanvarın 1-dən tətbiq edilən beynəlxalq diridoğulma meyarlarına keçidlə əlaqədar olaraq ictimai maarifləndirmə tədbirləridir. Məlumat verilib ki, qurum ötən ilin dekabr ayında Azərbaycan Tibb Universiteti, Azərbaycan Dövlət Pedaqoji Universiteti, Bakı Qızlar Universiteti, 1 nömrəli Bakı Tibb Kolleci və 2 nömrəli Bakı Baza Tibb Kollecində tələbələrlə bu mövzuda görüşlər təşkil edib. İkinci mərhələdə maarifləndirmə tədbirləri bu ilin yanvar ayında Bakı şəhərinin 1, 2, 7, 8, 9 saylı qadın məsləhətxanalarının həkimləri və hamilə qadınlar arasında keçirilib. Bu tədbirlərdə mövzunu əhatə edən bir sıra məlumatlandırıcı və maarifləndirici çap materialları paylanılıb.
İkinci fəaliyyət istiqaməti doğuşayardım müəssisələrində yeni diridoğulma meyarlarına keçidlə əlaqədar görülmüş işlərin monitorinqidir. Bu istiqamət üzrə İSİM Bakı, Sumqayıt, Gəncə, Mingəçevir, Şəki, Lənkəran və Qubanın seçilmiş doğuşayardım tibb müəssisələrinə baxış keçirib. Yeni diridoğulma meyarlarının tətbiqinin ilkin nəticələrinin təhlili, doğuşayardım tibb müəssisələrinin bu sahədə üzləşdikləri problem və çətinliklərin öyrənilməsi, onların yeni diridoğulma meyarlarına hazırlıq səviyyələrinin qiymətləndirilməsi məqsədi daşıyan belə monitorinqlər tədbir iştirakçıları tərəfindən ana və uşaq sağlamlığının yaxşılaşdırılmasına yönəldilmiş zəruri addım kimi dəyərləndirilib.
İSİM-in Fəaliyyət Planı çərçivəsində gördüyü işlərin üçüncü istiqaməti anemiyanın azaldılması məqsədi ilə məlumat paketinin hazırlanmasıdır. Bildirilib ki, bu məqsədlə Mərkəzdə “Unun zənginləşdirilməsinin dəmir defisitli anemiya (DDA) ilə mübarizədə rolu” adlı sənəd hazırlanıb. Müvafiq qərarverici dövlət orqanlarının, səhiyyə idarəedici orqanların, elmi tədqiqat müəssisələrinin rəhbərləri, həmçinin qida sənayesi sahəsi üzrə sahibkarlar üçün nəzərdə tutulan məlumat paketinin gələcəkdə metodik vəsait şəklində çap olunaraq, aidiyyətli müəssisələrə paylanması planlaşdırılır.