Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən Bakı şəhəri üzrə 5, 52, 109, 296 nömrəli məktəblərdə “Göz xəstəliklərinin profilkatikası” mövzusunda maarifləndirici tədbirlər keçirilib. Təhsil Nazirliyinin dəstəyi ilə təşkil edilən tədbirlərdə şagirdlərə sağlamlığln qorunması, gözlərə düzgün qulluq edilməsi, gigiyena qaydalarına riayət olunması ilə bağlı ətraflı məlumat verilib. İSİM-in Səhiyyə kommunikasiyası şöbəsinin müdir müavini Sevil Qəmərli geniş təqdimatla çıxış edərək, şagirdləri erkən yaşlardan başlayaraq sağlamlığa məsuliyyətlə yanaşmağa çağırıb. Onlara gözlərin sağlamlığının qorunması üçün düzgün qulluq qaydaları izah edilib, sağlam həyat tərzi seçmək, sağlam qidalanmaq tövsiyə olunub. Yekunda iştirakçıları maraqlandıran suallar cavablandırılıb və onlara İSİM tərəfindən hazırlanaraq çap edilən maarifləndirici materiallar təqdim olunub.