1 APREL 2024
“Reproduktiv sağlamlığın qorunması, erkən nikahların fəsadları” mövzusunda maarifləndirici tədbir keçirilib
Səhiyyə Nazirliyinin İctimai Səhiyyə və İslahatlar Mərkəzi (İSİM), Ailə, Qadın və Uşaq Problemləri üzrə Dövlət Komitəsi və Elm və Təhsil Nazirliyinin dəstəyi ilə 1 aprel 2024-cü ildə maarifləndirici tədbir keçirilib. Azərbaycan Milli Konservatoriyası nəzdində Musiqi Kollecinin tələbər və müəllim heyəti üçün təşkil edilən tədbir “Reproduktiv sağlamlığın qorunması, erkən nikahların fəsadları” mövzusuna həsr olunub.
Tədbir sağlam həyat tərzinin təbliği, reproduktiv sağlamlıq və ailə planlaşdırılması ilə bağlı yeni nəslin maarifləndirilməsi məqsədilə təşkil edilib.
İSİM-in Təlim resurs şöbəsinin müdir müavini Pərvin Quliyeva təqdimatla çıxış edərək, erkən nikahların sağlamlıq üçün ciddi təhlükə yaratdığını nəzərə çatdırıb.
Tədbirdə erkən və qohumlar arasında nikahların psixoloji, fizioloji, mənəvi və sosial-iqtisadi fəsadları barədə ətraflı məlumat verilib, iştirakçılara İSİM tərəfindən hazırlanaraq çap edilən maarifləndirici materiallar təqdim olunub.