14 DEKABR 2023
Səhiyyə Nazirliyi İctimai Səhiyyə və İslahatlar Mərkəzinin nümayəndələri “Rusiya səhiyyə həftəsi – 2023” belnəlxalq elmi-praktik forumda iştirak ediblər
Moskva şəhərində 4-8 dekabr 2023-cü ildə “Rusiya səhiyyə həftəsi – 2023” belnəlxalq elmi-praktik forumu keçirilib. Forumun əsas məqsədi “Səhiyyə və demoqrafiya”, “Turizm və qonaqpərvərlik sənayesi”, “Tibbi xidmətlər ixracının inkişafı” layihələrini təşviq etmək və tibb sahəsində elm və texnologiyalarla bağlı fikir mübadiləsiaparmaq idi.
Forumda Səhiyyə Nazirliyinin İctimai Səhiyyə və İslahatlar Mərkəzinin (İSİM) Monitorinq və təhlil şöbəsinin müdiri İnara Makayeva və Səhiyyə texnologiyaları və teletəbabəti şöbəsinin müdiri Samir Mehdiyev iştirak ediblər.
Səhiyyə həftəsi çərçivəsində sərgiləri təşkil olunub, “İctimai səhiyyə”, İnnovativ tibbi layihələrin tətbiqi: pasiyentlər üçün yenilikləri əlçatan etməyin yolları”, “Qadının ailə üzvlərinin sağlamlığını qorumaqda rolu”, “Elm və texnologiya onilliyi: Səhiyyə”, “Qadın – sağlamlıq modeli” və s. mövzularda sessiyalar keçirilib. İştirakçılar forum çərçivəsində keçirilən konfrans, təqdimat, seminar və ustad dərslərində iştirak edib, təcrübələrini bölüşüb, səhiyyə sistemində tətbiq olunan innovasiyalar barədə fikir mübadiləsi aparıblar.