İSİM-in direktoru Qəhrəman Haqverdiyev uşaqları salamlayaraq,ölkəmizdə uşaqların xüsusi qayğı ilə əhatə olunduğunu, yeni nəslin sağlam inkişafının, təhsilinin, mənəvi tərbiyəsinin daim diqqət mərkəzində saxlanıldığını vurğulayıb. Cəmiyyətimizin ən həssas və kövrək təbəqəsi olan uşaqların fəal iştirakı ilə keçirilən Uşaq Günündə onlara öz hüquqları, o cümlədən sağlamlığın qorunması, gigiyena qaydaları, zərərli vərdişlərdən uzaq olmağın vacibliyi, sağlam qidalanmanın faydaları və digər mövzularla bağlı ətraflı məlumat verilib.

 

Uşaqlara Azərbaycan xalqının ümummilli lideri Heydər Əliyevin zəngin fəaliyyətindən geniş bəhs olunub, onlar İSİM-də təşkil edilən, Ulu Öndərin 100 illik yubileyinə həsr olunan sərgi ilə tanış olublar. Akademik Zərifə Əliyevanın anadan olmasının 100 illik yubileyi münasibətilə təşkil edilən aksiya çərçivəsində isə, uşaqlar və valideynlərinin gözləri müayinə olunub, onlara müvafiq tövsiyələr verilib.

 

Yekunda uşaqların təklifləri dinlənilib, sualları cavblandırılıb, maarifləndirici-əyləncəli oyunlar təşkil edilib. İctimai səhiyyənin balaca dostlarına hədiyyələr təqdim olunub.