29 SENTYABR 2023
PALS kursunu bitirən həkimlərə sertifikat təqdim edildi
28 sentyabr 2023-cü ildə Səhiyyə Nazirliyi İctimai Səhiyyə və İslahatlar Mərkəzində Pediatrik Təkmil Həyata Dəstək (Pediatric Advanced Life Support (PALS) instruktor kursunu uğurla bitirən həkimlərə Amerika Ürək Assosiasiyasının beynəlxalq instruktor sertifikatı təqdim olunub. Həmin mütəxəssislər instruktor sertifikatı əsasında müvafiq resurslarla təchiz olunaraq PALS təlimini digər tibb işçilərinə keçmə imkanı əldə ediblər. PALS təlimi tibb mütəxəssislərinin davamlı tibbi təhsili və praktik vərdişlərinin təkmilləşdirilməsi üçün nəzərdə tutulan irəliləmiş təlim kursudur.