6 İYUN 2023

İSİM festivalda fəal iştirakına görə təltif olundu

Səhiyyə Nazirliyi İctimai Səhiyyə və İslahatlar Mərkəzi (İSİM) Fövqəladə Hallar Nazirliyinin Akademiyasında Ümummilli lider Heydər Əliyevin anadan olmasının 100 illiyinə həsr olunmuş “Heydər Əliyev Azərbaycan xalqının xilaskarıdır” mövzusunda  keçirilən “Xilasetmə” festivalında fəal iştirakına görə  “Təşəkkürnamə” ilə təltif olundu. Azərbaycan xalqının Ulu öndərinin xatirəsini yaşatmaq,  gənclərin elmə marağını artırmaq məqsədilə keçirilən festival xilasetmə sahəsində elmi yanaşmaların öyrənilməsi, yeni çağırışların müzakirə edilməsi istiqaməti üzrə xilasetmə və təhlükəsizlik sahələrində elmi nailiyyətlərin sərgilənməsi, milli texnologiyaların geniş ictimaiyyətə təqdim olunması ilə yadda qaldı. FHN Akademiyasının rəisi general-mayor Baba Salayev, Azərbaycan Dövlət Pedaqoji Universitetinin rektoru Cəfər Cəfərov, FHN Bakı Regional Mərkəzinin rəisi general-mayor Məhərrəm Həsənov, Radiasiya Problemləri İnstitutunun Baş direktoru, professor İslam Mustafayevin iştirakı ilə keçən festivalda İSİM və digər qurumlar təmsil olunurdu. Festivalda FHN, Daxili İşlər Nazirliyi olmaqla müxtəlif qurumlar – Azərbaycan Milli Elmlər Akademiyası İdarəetmə Sistemləri və Radiasiya Problemləri İnstitutu, Müdafiə Sənayesi Nazirliyi Elmi-Tədqiqat İnstitutu, respublikanın 15-ə yaxın  ali təhsil müəssisələri,  habelə kommersiya və ictimai təşkilatların nümayəndələri iştirak etdilər.

Festival çərçivəsində nümayiş olunan sərgidə iştirakçılar FHN-ə məxsus xüsusi təyinatlı texnika və avadınlıqlar, o cümlədən   müxtəlif təhsil müəssisələri, dövlət və özəl şirkətlər tərəfindən quraşdırılmış stendlərlə tanış oldular.