“Pediatriyada yeniliklər -2021” adlı beynəlxalq konfrans keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu
  • 6 aprel – Ümumdünya Fiziki Aktivlik Gününə həsr edilmiş maarifləndirici aksiya oldu

XƏBƏRLƏR bütün xəbərlər

15 MART 2021

“Pediatriyada yeniliklər -2021” adlı beynəlxalq konfrans keçirildi

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi, Türkiyənin Ankara Universiteti və Elmi Tədqiqat Pediatriya İnstitutunun (ETPİ) birgə əməkdaşlığı və “Uptodate in Medicine”nın texniki və təşkilatı dəstəyi ilə təşkil olunmuş  “Pediatriyada yeniliklər -2021” beynəlxalq konfrans keçirildi. 11-13 mart 2021-ci il tarixdə keçirilən konfransın ilk günündə Ankara Universitetinin  rektoru, professor Necdet Ünüvar,  Ankara Universitetinin professoru  Ömer Erdeve və ETPİ-nin direktoru, tibb üzrə fəlsəfə doktoru Allahverdi Musayev açılış nitqləri ilə çıxış etdilər.

Ənənəvi olaraq hər il Azərbaycan Respublikası və Türkiyə Cümhuriyyətinin  aparıcı mütəxəssislərinin  iştirakı ilə  keçirilən konfransda pediatriyanın aktual problemləri ilə bağlı səmərəli fikir mübadiləsi aparılır, bilik və məlumatlar paylaşılır. Canlı vebinar formatında keçirilən bu beynəlxalq tədbirin təşkilində məqsəd – uşaq sağlamlığının qorunması istiqamətində pediatr, neonatoloq, uşaq nevroloqlarının, o cümlədən digər ixtisaslı tibb işçilərinin bilik və bacarıqlarının təkmilləşdirilməsi, tibb işçilərinin müasir yanaşma və təcrübə ilə tanış edilməsidir.

Konfransda edilən bütün təqdimatların video yazısı ilə distant təhsil portalı olan www.ecourses.az portalında tanış olmaq mümkündür.  

Qeyd edək ki, konfrans Azərbaycan Respublikası Səhiyyə Nazirliyinin Elmi Tibbi Şurası tərəfindən akkreditasiya olunub və 16 DTT kredit balı ilə qiymətləndirilib.