• Azərbaycanda XIX Beynəlxalq Gənclər Forumu keçirilir
  • İncəsənət xadimləri, KİV nümayəndələrinin iştirakı ilə “Hər günün tütünsüz olsun!” mövzusunda dəyirmi masa keçirildi
  • İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Sübutlara əsaslanan tibbi təlimatlar Azərbaycan dilinə tərcümə olunacaq

XƏBƏRLƏR bütün xəbərlər

5 OKTYABR 2018

Şəmkir rayonunda vərəm əleyhinə maarifləndirmə tədbiri keçirilib

Vərəm Əleyhinə Koalisiyanın üzvləri 5 oktyabr 2018-ci il tarixdə Şəmkir rayonuna səfər edib. Onlar əvvəlcə rayonun Ağciyər Xəstəlikləri xəstəxanasına baş çəkərək stasionar müalicə alan xəstələrin vəziyyəti ilə tanış olublar.  

Sonra Şəmkir şəhərində Heydər Əliyev Mərkəzində Səhiyyə Nazirliyinin İctimai Səhiyyə və İslahatlar Mərkəzinin dəstəyi ilə maarifləndirmə tədbiri keçirilib. Tədbiri giriş sözləri ilə açan Şəmkir rayon İcra Hakimiyyətinin nümayəndəsi Pərviz İbrahimov əhalinin tibbi maarifləndirilməsinin vacib məsələ olduğunu bildirib. “Sağlamlığa xidmət” İctimai Birliyinin sədr müavini Pərvanə Vəliyeva koalisiyanın vərəmlə mübarizə tədbirləri haqqında məlumat verib. Koalisiyanın sədri Elçin Muxtarlı çıxış edərək, Ümumdünya Səhiyyə Təşkilatının vərəm xəstəliyi ilə bağlı açıqladığı məlumatı diqqətə çatdırıb.

İctimai Səhiyyə və İslahatlar Mərkəzinin Səhiyyə siyasəti şöbəsinin müdir müavini Şəhla Mirzəzadə təhsil müəssisələrində vərəm əleyhinə daim profilaktik tədbirlərin aparılmasının böyük əhəmiyyət daşıdığını bildirərək, İSİM-in bu sahədəki uğurlu fəaliyyətindən söz açıb.

Həkim koordinator Samirə Məmmədova xəstəlik, onun yayılma yolları, profilaktikası və müalicəsi barədə iştirakçılara ətraflı məlumat verib.

Tədbirdə bir daha vurğulanıb ki, xəstəliklə mübarizə məqsədilə rayon təhsil şöbələri və məktəblərin maarifləndirilməsinə xüsusi diqqət yetirilməli, hər bir regionun gəncləri, könüllüləri də vərəmlə mübarizədə fəal iştirak etməlidir.