Moskvada məktəbyaşlı uşaqların sağlamlığının qorunması və Sağlamlığı Təşviq edən Məktəblərə dair regional müşavirə keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

13 DEKABR 2017

Moskvada məktəbyaşlı uşaqların sağlamlığının qorunması və Sağlamlığı Təşviq edən Məktəblərə dair regional müşavirə keçirildi

11-12 dekabr 2017-ci il tarixlərdə Rusiya Federasiyasının Moskva şəhərində qorunması və Sağlamlığı Təşviq edən Məktəblərə dair regional konfrans öz işini bu gün bitirir. Şərqi Avropa və Orta Asiya ölkələrinin təhsil və səhiyyə nümayəndələrinin iştirakı ilə keçirilən bu tədbirdə həmin ölkələrdə məktəblilərin sağlamlığı, onların məktəbdə sağlamlıqlarının qorunmasına yönələn effektiv müdaxilələr, bu sahədə mövcüd qabaqcıl təcrübələr müzakirə edildi. İştirakçı ölkələrin üzv olduğu “Avropada Sağlamlığı təşviq edən Məktəblər Şəbəkəsinin” (SHE Network in European Region) baş katibi və aparıcı mütəxəssisi, habelə ÜST-nın uşaq və yeniyetmələrin sağlamlığı proqramının rəhbəri Martin Veber də konfransa qatılmışlar.

Azərbaycanı müşavirədə “Sağlamlığı təşviq edən Məktəblər” (School Health Education - SHE) Avropa şəbəkəsinin Səhiyyə Nazirliyi tərəfindən təyin olunmuş Azərbaycan üzrə koordinatoru Səhiyyə Nazirliyinin İctimai Səhiyyə və İslahatlar Mərkəzinin (İSİM) Səhiyyə siyasəti və islahatlar şöbəsinin müdiri Nabil Seyidov və Layihələrin əlaqələndirilməsi şöbəsinin müdiri Səbinə Babazadə təmsil etdi.

Xatırladaq ki, Azərbaycan 2017-ci ildən bu şəbəkənin üzvüdür və ölkəmizi bu şəbəkədə iki qurum təmsil edir: Səhiyyə Nazirliyi və Təhsil Nazirliyi. Təhsil Nazirliyi tərəfindən təyin olunmuş koordinator Təhsil Nazirliyinin Təhsil İnstitutunun katibi Elvin Nəsibovdur. Hər iki qurumun cari il ərzində göstərdiyi səylər nəticəsində İSİM ÜST və Təhsil Nazirliyi ilə sıx əməkdaşlıqda Bakının 4 məktəbində “Sağlamlığı təşviq edən Məktəblər”  şəbəkəsinin təlimatları və tövsiyələrinə uyğun müdaxilə və fəaliyyətləri sınaqdan keçirmişdir. Bu pilot layihə çərçivəsində hər məktəbdə müəllimlər və uşaqlar üçün seminar-təlimlər keçirilmiş, sağlamlığın təşviqinə dair məktəbdə mövcud vəziyyət qiymətləndirilmiş və vəziyyətin yaxşılaşdırılması məqsədilə hər məktəb üçün ayrılıqda, onların fərdi ehtiyacları və resursları nəzərə alınaraq, 1 illik tədbirlər planı tərtib edilmişdir. Bu qısa zamanda Azərbaycanda əldə edilmiş nəticələr müşavidədə təqdim edilmiş və iştirakçıların marağına səbəb olmuşdur. Habelə tədbirdə İSİM-də Uşaq və Yeniyetmələrin Sağlamlığının təşviqinə dair ÜST ilə Əməkşdalıq Mərkəzinin yaradılması təklifi irəli sürülmüş və çox böyük rəğbətlə qarşılanmışdır.