Tütünlə Mübarizə Koalisiyasının II görüşü | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

24 FEVRAL 2010

Tütünlə Mübarizə Koalisiyasının II görüşü

2010-cu il 23 fevral tarixində İctimai Səhiyyə və İslahatlar Mərkəzində Azərbaycan Tütünlə Mübarizə Koalisiyasının II görüşü keçirildi.

Koalisiya İSİM, Azərbaycan Səhiyyə Kommunikasiyası Assosiasiyası və ABŞ-ın Cons Hopkins Universitetinin Blumberq İctimai Səhiyyə Məktəbinin Kommunikasiya Proqramları Mərkəzi tərəfindən, Blumberq Təşəbbüsü Fondunun dəstəyi ilə həyata keçirilən “Azərbaycanda Tütünlə Mübarizə üzrə Milli Strategiyanın Hazırlanması” layihəsi çərçivəsində 14 dekabr 2009-cu ildə Tütünlə Mübarizə üzrə Milli Konfransda yaradılmışdır. Görüşdə Tütünlə Mübarizə üzrə Milli Strategiyanın ilkin variantı müzakirə olundu.

Səhiyyə Nazirliyinin Sağlam Həyat Tərzi layihəsi üzrə milli koordinatoru, Azərbaycanda Tütünlə Mübarizə üzrə Milli Strategiyanın Hazırlanması layihəsinin eksperti Azad Hacıyev strategiyanın əsas məqsəd və vəzifələri, prioritet istiqamətlər və məqsəd indikatorları, monitorinq və qiymətləndirmə sistemi və tətbiq olunma mexanizmləri haqqında ətraflı məlumat verdi. Son illər ərzində tütün istehlakının artdığını qeyd edən Azad Hacıyev xüsusilə uşaq və yeniyetmələr arasında tütün istifadəsinin qarşısının alınmasının əsas prioritet istiqamətlərdən biri olduğunu vurğuladı. Təqdimatdan sonra iştirakçılar uşaqlar və yeniyetmələr arasında tütün istifadəsinin qarşısının alınması üçün görülə biləcək tədbirlər barədə öz təkliflərini bildirdilər.

Daha sonra layihə çərçivəsində yaradılmış internet səhifəsi iştirakçılara təqdim olundu. Saytda tütünlə mübarizə sahəsində əldə olunan nailiyyətlər, qanunvericilik, layihə haqqında məlumatlar yer alıb. Sonra isə iştirakçılar saytla bağlı rəy və təkliflərini bildirdilər.

Görüşdə Səhiyyə Nazirliyi, Təhsil Nazirliyi, İctimai Səhiyyə və İslahatlar Mərkəzi, Açıq Cəmiyyət İnstitutu-Yardım Fondu, Azərbaycan Səhiyyə Kommunikasiyası Assosiasiyası, «Sağlamlığa Çağırış» Alyansı, Azərbaycan Həkimlər və Təbib Tələbələr İctimai Birliyi və mətbuat nümayəndələri iştirak edirdilər.