• Azərbaycanda XIX Beynəlxalq Gənclər Forumu keçirilir
  • İncəsənət xadimləri, KİV nümayəndələrinin iştirakı ilə “Hər günün tütünsüz olsun!” mövzusunda dəyirmi masa keçirildi
  • İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • Состоялся научно-практический семинар по мульти-дисциплинарному подходу при гемофилии
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Sübutlara əsaslanan tibbi təlimatlar Azərbaycan dilinə tərcümə olunacaq

НОВОСТИ все новости

4 ОКТЯБРЯ 2018

Bakı İdarəetmə və Texnologiya Kollecində ana südü ilə qidalandırmanın vacibliyinə həsr olunmuş tədbir keçirildi

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) Azərbaycanda 1-7 oktyabr “Ana südü ilə qidalandırma” həftəsinin başlaması və “Körpə dostu klinikası” təşəbbüsünün təbliği ilə bağlı ana südü ilə qidalanmanın uşaqların sağlam böyüməsində rolu və əhəmiyyətinə həsr edilmiş maarifləndirici tədbirlər həyata keçiririr.

Növbəti belə tədbirlərdən biri 4 oktyabr 2018-ci il tarixdə Azərbaycan Respublikasının Ailə, Qadın və Uşaq Problemləri üzrə Dövlət Komitəsinin təşəbbüsü və Səhiyyə Nazirliyinin İctimai Səhiyyə və İslahatlar Mərkəzinin (İSİM) dəstəyi ilə Bakı İdarəetmə və Texnologiya Kollecində təşkil olundu. 

Kollecin direktoru Faiq Şahbazlı tədbiri giriş sözü ilə açaraq bildirdi ki, tibbi maarifləndirmə işinin aparılması əhalinin, xüsusilə də gənc nəslin sağlamlığının qorunmasında böyük rol oynayır.

Gələcəyin anaları olan gənc qızlardan ibarət auditoriyada keçirilən tədbir çərçivəsində İSİM-in Səhiyyə siyasəti və islahatlar şöbəsinin müdir müavini Şəhla Mirzəzadə körpələrin inkişafında ana südünün əvəzsiz faydalarından söz açdı.

O bildirdi ki, ana südü ilə qidalandırma körpələrin həyata ilk günlərdən sağlam başlamasının əsasını təşkil edir: “Ana südü körpələrin həyatının ilk 6 ayında xüsusilə böyük əhəmiyyət daşıyır. Ana südündə uşağın həyatının ilk 6 ayının bütün tələblərinə cavab verən zülal, yağ, karbohidrat, ferment, vitamin və mineral maddələrin tərkibi ideal surətdə balanslaşdırılıb. Ana südü ilə qidalanma uşaqlar arasında ölümə səbəb olan ishal və pnevmoniya kimi halların qarşısının alınmasına kömək edir. Körpələrini əmizdirən analarda isə qadınlar arasında ən çox ölümə səbəb olan yumurtalıq və döş xərçəngi kimi xəstəliklərin riski azalır”.

Ana südünün körpənin xəstəliklərə qarşı ilk peyvənd və əsas qida mənbəyi olduğu iştirakçıların diqqətinə çatdırıldı və İSİM-in ana südünün əhəmiyyəti və ana südü ilə qidalandırmanın cəmiyyətdə təbliği ilə bağlı hazırladığı video-çarx nümayiş olundu.

Mövzu ətrafında müzakirələr aparıldı, auditoriyanı maraqlandıran suallar cavablandırıldı və gənclərə İSİM tərəfindən hazırlanmış maarifləndirici materiallar paylanıldı.