Reproduktiv sağlamlıq, insan hüquqları və gender bərabərliyi üzrə seminar keçirildi | İСTİMAİ SƏHİYYƏ və İSLAHATLAR MƏRKƏZİ

NEWS all news

16 DECEMBER 2019

Reproduktiv sağlamlıq, insan hüquqları və gender bərabərliyi üzrə seminar keçirildi

Bolqarıstanın paytaxtı Sofiya şəhərində 12-14 dekabr 2019-cu il tarixdə Avropa və Orta Asiyanın 17-dən çox ölkəsindən gələn nümayəndələrin iştirakı ilə “Reproduktiv sağlamlıq və insan hüquqları üzrə qanunvericilikdə islahatlar və kommunikasiya strategiyaları – gender bərabərliyi” mövzusunda seminar keçirildi. Bu sahədə mövcud problemləri aradan qaldırmaq, insan hüquqlarının qorunması üzrə qanunvericiliyi gücləndirmək, vətəndaş cəmiyyəti ilə əməkdaşılğı inkişaf etdirmək və digər məsələlər seminarın əsas məqsədi idi.

Seminarda Səhiyyə Nazirliyinin İctimai Səhiyyə və İslahatlar Mərkəzinin Layihələrin əlaqələndirilməsi şöbəsinin müdiri Səbinə Babazədə iştirak edirdi.

Seminarda insan hüquqları və reproduktiv sağlamlıq üzrə qanunvercilik islahatlarını təşviq etmək istiqamətində çıxışlar dinlənildi, ictimai və siyasi fikirlərə təsir göstərmək, ünsiyyət strategiyalarını formalaşdırmaq, təsiredici məlumat mübadiləsi bacarıqlarını həyata keçirmək üçün fokus qruplar yaradıldı. Özbəkistan, Maldova, İordaniya mütəxəssisləri ölkələrində insan hüquqları və gender bərabərliyi istiqamətində həyata keçirdikləri geniş siyasi və sosial işlərlə iştrakçıları tanış etdilər və əldə etdikləri ən mükəmməl təcrübələri bölüşdülər.

Eyni zamanda, digər ölkə nümayəndələrinin də çıxışları dinlənildi, görülən işlər təhlil edilərək təcrübə mübadiləsi aparıldı, təkliflər nəzərdən keçirildi.

Şəkillərlə burada tanış olmaq olar.