• Состоялся семинар по ознакомлению с работой Европейской сети «Школы, содействующие укреплению здоровья» (ФОТО)
  • В ЦОЗР состоялось мероприятие, посвященное 120-летнему юбилею Азиза Алиева
  • В ЦОЗР состоялось мероприятие, посвященное обучению школьников навыкам здорового питания (ФОТO)
  • Gəncə məktəbliləri İSİM-in Sağlam Qidalanma Forumuna qatıldılar
  • İSİM-in “Tütünsüz dünya yarat” aksiyası keçirildi

НОВОСТИ все новости

15 НОЯБРЯ 2016

İSİM-in direktoru 9-cu Avropa İctimai Səhiyyə konfransında iştirak etdi

2016-cı ilin 9-12 noyabr tarixlərində Azərbaycan Respublikası Səhiyyə Nazirliyi İctimai Səhiyyə və İslahatlar Mərkəzinin (İSİM) də üzv olduğu Avstriyanın paytaxtı Vyana şəhərində “Hamı sağlamlıq üçün, sağlamlıq hamı üçün” şüarı altında 9-cu Avropa İctimai Səhiyyə (AİS) konfransı keçirildi. Avstriya İctimai Səhiyyə Dərnəyi, Avropa İctimai Səhiyyə Assosiasiyası (AİSA) və Avstriya İctimai Səhiyyə Birliyinin (AİSB) birgə fəaliyyəti nəticəsində təşkil olunan konfransda AİSA-nın üzvləri və tərəfdaşları arasında geniş miqyaslı görüşlər keçirildi.

4 gün davam edən və 1700 ekspertin qatıldığı konfransın əsas məqsədi Avropada səhiyyənin və təhsilin yaxşılaşdırılmasına dair səyləri artırmaq, ictimai səhiyyə ilə bağlı debatlar keçirmək, eləcə də səhiyyə və sağlamlıq xidmətləri sahəsində informasiya mübadiləsini, təlimlərin təşkilini, həmçinin tədqiqatçılar, siyasətçilər və iştirakçılar üçün müzakirə və mübadiləyə yararlı bir platforma yaratmaq idi.

Konfransda Azərbaycanı Səhiyyə Nazirliyi İctimai Səhiyyə və İslahatlar Mərkəzinin direktoru Ceyhun Məmmədov təmsil etdi.

Tədbir zamanı Avropada ictimai səhiyyə sahəsində təhsil səviyyəsinin artırılması, ölkələr arasında geniş miqyaslı əməkdaşlığın yaradılmasının vacibliyi, birgə əməkdaşlığın zəruriliyi müzakirə olundu. Ümumilikdə, konfrans tərəfdaş ölkə nümayəndələrinin görüşləri, ictimai səhiyyə sahəsində bilik və bacarıqların təkmilləşdirilməsi, uğurlu təcrübələri ilə bölüşmələri üçün geniş imkan yaratdı.