| |
|
|
İSİM HAQQINDA
Son illər Azərbaycanda həyata keçirilən sosial-iqtisadi siyasət nəticəsində müşahidə olunan uğurlu inkişaf həyatımızın hər bir sahəsini əhatə edir. Bu inkişaf əhalinin sağlamlığının qorunması kimi vacib bir sahədən - səhiyyədən də yan keçməyib. Səhiyyəyə diqqət və qayğının artırılması Azərbaycanın səhiyyə sistemini dövrlə ayaqlaşan, qlobal dəyişikliklərə cavab verən və tərəqqi edən bir sahəyə çevirməkdədir. Səhiyyədə bir çox istiqamətlər üzrə islahatlar aparılır, səhiyyə infrastrukturunun təkmilləşdirilməsinə irihəcmli investisiyalar qoyulur, genişmiqyaslı işlər görülür. İslahatların səmərəliliyinin artırılması və ümumiyyətlə ictimai səhiyyənin müvəffəqiyyətli təşkili üçün mükəmməl elmi-nəzəri bazanın mövcud olması zəruri şərtlərdən biridir. Buna görə də 2006-cı ilin sentyabrında Azərbaycan Respublikasının Səhiyyə Naziri Oqtay Şirəliyevin İctimai Səhiyyə və İslahatlar Mərkəzinin yaradılması barədə qərarı səhiyyə sistemində islahatların aparılmasında irəliyə doğru atılmış bir addım oldu.
|
daha ətraflı
|
|
|
LAYİHƏLƏR
|
Səhiyyə sistemində həyata keçirilən islahatların uğurla nəticələnməsi üçün inkişaf etmiş ölkələrin təcrübəsi ilə tanışlıq, Azərbaycanın səhiyyə idarə və müəssisələrinin müxtəlif beynəlxalq təşkilatlarla əməkdaşlığı mühüm əhəmiyyət kəsb edir. İctimai Səhiyyə və İslahatlar Mərkəzində (İSİM) də bu amil nəzərə alınaraq beynəlxalq təşkilatlarla birlikdə müxtəlif layihələrin reallaşdırılmasına böyük diqqət ayrılır. Əhalinin sağlamlığının qorunmasına həsr olunmuş layihələrin həyata keçirilməsində İSİM, ÜST(WHO), UNİCEF, USAİD-nin İlkin Səhiyyə Xidmətlərinin Gücləndirilməsi Layihəsi, Açıq Cəmiyyət İnstitutu Yardım Fondu, Blumberq Təşəbbüsü Fondu və sairə beynəlxalq təşkilatlarla sıx əməkdaşlıq edir.
|
daha ətraflı
|
|
|
KLİNİK PROTOKOLLAR
|
Klinik protokollar hər hansı nozologiya və ya sindrom zamanı düzgün yardım göstərilməsi ilə bağlı qərar qəbul etməkdə həkimə kömək edən tövsiyələr toplusudur. Klinik protokolların tərtib edilməsində məqsəd ən son elmi tədqiqatların nəticələrini gündəlik praktikaya tətbiq etmək, tibb işçilərini pasiyentə rasional yardım göstərməkdə kömək edəcək vəsaitlə təmin etmək və tibbi xidmət göstərilməsində yüksək standartlara nail olmaqdır. Klinik protokollar həkimlərə seçim imkanı verir və hər hansı klinik situasiyada necə hərəkət etməklə bağlı istiqamətverici rol oynayır.
Klinik protokolların səmərəliliyini təmin edən əsas cəhət, onların tərtib edilməsinin sübutlu təbabət prinsiplərinə əsaslanmasıdır, yəni mövcud olan ən keyfiyyətli klinik tədqiqatların təqdim etdiyi ən etibarlı sübutlardan istifadə olunmasıdır. Protokolların hazırlanması ciddi və məsuliyyətli iş olub, ölkənin bütün elmi-tibbi potensialından istifadə edilməsini, prosesin bir mərkəzdən idarə olunmasını və dünyada qəbul edilmiş meyarlara uyğun şəkildə aparılmasını nəzərdə tutur.
daha ətraflı
|
|
|
İSİM MEDİA VASİTƏLƏRİNDƏ
19 avqust 2010 - Новостной сайт Day.az |
|
|
BÜLLETEN
|
İctimai Səhiyyə və İslahatlar Mərkəzində 2008-ci ilin aprel ayından başlayaraq özündə ölkəmizdə əhalinin sağlamlığının qorunması ilə bağlı məsələləri əks etdirən elektron İnformasiya Bülleteni dərc olunur.Bulletendə İSİM-lə yanaşı Azərbaycanda səhiyyə sahəsində fəaliyyət göstərən həm dövlət, həm beynəlxalq və həm də yerli QHT təşkilatlarının fəaliyyətləri ilə bağlı məlumatlar, məqalələr, müsahibələr dərc olunur. İnformasiya Bulletenində “Aktual mövzu”, “Tanış olun”, “İSİM xəbərləri”, “Partnyorların xəbərləri” adlı maraqlı rubrikalar mövcuddur.
Bulletenləri elektron formatda əldə etmək üçün bura daxil olun.
|
|
|
1 iyul 2010 - İnformasiya Bülleteni №16 |
|
|
| GÖZLƏNİLƏN TƏDBİRLƏR |
|
ELANLAR
22 iyul 2010  İctimai Səhiyyə və İslahatlar Mərkəzi aşağıdakı vakant yerlərin tutulması üçün müsabiqə elan edir (daha ətraflı)
19 aprel 2010 İctimai Səhiyyə və İslahatlar Mərkəzi aşağıdakı boş yerlərin tutulması üçün müsabiqə elan edir (daha ətraflı) |
|
|
|
|
