İSİM-də neonatal reanimasiya üzrə təlimlər keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

14 OKTYABR 2016

İSİM-də neonatal reanimasiya üzrə təlimlər keçirildi

2016-cı il oktyabrın 13-14-də Səhiyyə Nazirliyinin İctimai Səhiyyə və İslahatlar Mərkəzində (İSİM) antenatal yardım xidməti göstərən tibb müəssisələrinin işçiləri (neonatloq və pediatlarlar) üçün “Neonatal Reanimasiya” üzrə təlimlər keçirildi. 2 gün davam edən bu təlimlərə əsasən respublikanın regional doğuşayardım müəssisələrində çalışan həkim-mütəxəssislər cəlb olunmuşdular.  K.Fərəcova adına Elmi-Tədqiqat Pediatriya İnstitutu ilə əməkdaşlıqda keçirilmiş təlimlərə İSİM-in Təlim-resurs şöbəsinin  həkim-metodisti Nahidə Mahmudova aparıcılıq etdi. Təlim kursu boyu iştirakçılar Nahidə xanımın təqdimatı ilə son illər ərzində yenidoğulmuşların reanimasiyası zamanı istifadə olunan bilik və bacarıqlara baxış keçirdilər, komanda işinin aparılması və ölkə üzrə reanimasiya tədbirləri zamanı atılan addımların sənədləşdirilməsinə müasir yanaşmaları müzakirə etdilər.

Təlimlər vasitəsi ilə regionlarda doğuşayardım müəssisələrində çalışan tibb işçiləri yenidoğulmuşlara keyfiyyətli tibbi yardım göstərmək, xüsusi avadanlıq və qurğular olmadıqda körpələrə ilkin ixtisaslaşdırılmış yardımı tətbiq etmək, müvafiq tibb müəssisələrinə onların vaxtında çatdırılmasını təmin etmək və s. məqamlarda öz bilik və bacarıqlarını artırdılar. İştirakçılara neonatologiyada istifadə edilən yeni texnologiyalar və yenidoğulmuşlarda tez-tez rast gəlinən xəstəliklərin, xüsusilə də təcili və təxirəsalınmaz halların profilaktikası, erkən diaqnostikası və müalicəsinə dair ən müasir məlumatlar və onların simulyasiyalar zamanı təcrübədə tətbiqi öyrədildi.

Sözügedən təlimlər Amerika Kardiologiya Assosiasiyasının və Amerika Pediatriya Akademiyasının "Yenidoğulmuşların Reanimasiyası Proqramı"nın əsasında tərtib edilmiş, Səhiyyə Nazirliyi tərəfindən isə təsdiq edilmiş “Yenidoğulmuşların reanimasiyası” dərsliyi əsasında aparıldı. İki hissədən ibarət olan təlim kursunun praktik hissəsi neonatal reanimasiya sahəsində istifadə edilən aidiyyəti yeni texnologiyaların öyrədilməsi üçün məşğələlər formatında İSİM-in xüsusi avadanlıq və manekenlərlə təchiz olunmuş Təlim Mərkəzində keçirildi.